प्रेस स्वतन्त्रता, लोककल्याणकारी विज्ञापन र बाढी विपद बारेमा यसरी बोल्यो महासंघ, लोककल्याणकारी विज्ञापन कटौती तत्काल फिर्ता लिन सरकारसँग आग्रह, प्रधानमन्त्री बालेन्द्र साह र सञ्चारमन्त्री डा. विक्रम तिमिल्सिनालाई ज्ञापनपत्र बुझाइने

– टंक पन्त

वाशिङ्टन डी.सी., अमेरिका / ३० अगस्ट २०२६ / अन्तर्राष्ट्रिय पत्रकार महासंघ, अमेरिका (Federation of International Journalist, America–FIJA), वाशिङ्टन डी.सी., संयुक्त राज्य अमेरिकाले नेपालमा प्रेस तथा सञ्चार क्षेत्रको अवस्था, सरकारले लोककल्याणकारी विज्ञापनमा गरेको कटौती, भोटेकोशी–त्रिशूली नदी प्रणालीमा आएको विनाशकारी बाढी, विपद् व्यवस्थापन तथा जलवायु परिवर्तनका विषयमा गम्भीर चासो व्यक्त गर्दै नौ बुँदे निर्णय सार्वजनिक गरेको छ।

अन्तर्राष्ट्रिय पत्रकार महासंघ, अमेरिका (Federation of International Journalist, America–FIJA) केन्द्रीय अध्यक्ष रामप्रसाद खनालको अध्यक्षतामा भिडियो कल कन्फ्रेन्समार्फत बसेको केन्द्रीय समितिको बैठकले प्रेस स्वतन्त्रता र लोकतान्त्रिक मूल्य–मान्यताको संरक्षणदेखि बाढीपीडितको राहत तथा पुनर्स्थापनामा आर्थिक सहयोग गर्नेसम्मका निर्णय गरेको हो।

बैठकले विशेषगरी नेपाल सरकारले सञ्चारमाध्यमलाई उपलब्ध गराउँदै आएको लोककल्याणकारी विज्ञापन कटौती गरेको विषयमा गम्भीर ध्यानाकर्षण भएको जनाएको छ। सञ्चार क्षेत्र आर्थिक रूपमा चुनौतीपूर्ण अवस्थामा रहेका बेला सरकारले उपलब्ध गराउँदै आएको लोककल्याणकारी विज्ञापन कटौती गर्नु पत्रकारिता र सञ्चारमाध्यमलाई थप कमजोर बनाउने कदम भएको महासंघको निष्कर्ष छ।

FIJA ले उक्त निर्णय तत्काल फिर्ता लिएर लोककल्याणकारी विज्ञापनलाई पूर्ववत् रूपमा खुला गर्न नेपाल सरकारसँग आग्रह गरेको छ।

महासंघले देश ठूलो प्राकृतिक विपद् र राष्ट्रिय शोकको अवस्थाबाट गुज्रिरहेको बेला सरकारले सञ्चारमाध्यमलाई साथमा लिएर नागरिकसम्म सत्यतथ्य सूचना, उद्धार र राहतसम्बन्धी जानकारी तथा जनचेतना पुर्‍याउनुपर्नेमा उल्टै सञ्चारमाध्यम कमजोर हुने नीति लिनु उचित नभएको जनाएको छ।

बैठकले यस्तो नीति संविधान, लोकतान्त्रिक संस्कृति तथा प्रेस स्वतन्त्रताको मर्मविपरीत रहेको निष्कर्ष निकाल्दै सरकार प्रेसप्रति कठोर नभई सहयोगी र प्रेसमैत्री बन्नुपर्नेमा जोड दिएको छ।

प्रधानमन्त्री र सञ्चारमन्त्रीलाई ज्ञापनपत्र

प्रेस स्वतन्त्रताको सम्मान गर्न र लोककल्याणकारी विज्ञापन कटौतीको निर्णय फिर्ता लिन माग गर्दै FIJA ले प्रधानमन्त्री बालेन्द्र साह र सञ्चारमन्त्री डा. विक्रम तिमिल्सिनालाई औपचारिक ज्ञापनपत्र बुझाउने निर्णयसमेत गरेको छ।

ज्ञापनपत्र बुझाउने कार्यक्रममा नेपालमा उपलब्ध FIJA का पदाधिकारी तथा सदस्य र महासंघको नेपाल शाखाका प्रतिनिधिहरू सहभागी हुनेछन्।

उक्त कार्यक्रमको संयोजन FIJA का उपाध्यक्ष टंक पन्तले गर्ने निर्णय बैठकले गरेको छ।

प्रेस स्वतन्त्रताबारे विशेष अन्तरक्रिया आयोजना गरिने

बैठकले स्वतन्त्र र बलियो सञ्चारमाध्यम लोकतान्त्रिक शासन प्रणालीको महत्वपूर्ण आधार भएको उल्लेख गर्दै मिडिया जति बलियो हुन्छ, लोकतन्त्र, संविधानवाद, सुशासन, शान्ति र विकास पनि त्यति नै मजबुत हुने निष्कर्ष निकालेको छ।

यसै आधारमा प्रेस स्वतन्त्रता, सञ्चारमाध्यमको आर्थिक अवस्था, लोककल्याणकारी विज्ञापन तथा पत्रकारिता क्षेत्रका चुनौतीबारे दबाब र सार्वजनिक बहस सिर्जना गर्न FIJA केन्द्रीय समिति र नेपाल शाखाको संयुक्त आयोजनामा विशेष अन्तरक्रिया कार्यक्रम यथाशीघ्र आयोजना गर्ने निर्णय भएको छ।

कार्यक्रमको संयोजन तथा व्यवस्थापनका लागि उपाध्यक्षहरू टंक पन्त, केदार कोइराला र जीवराम भण्डारी, FIJA नेपाल शाखाकी अध्यक्ष कृष्णा पौडेल तथा बोर्ड अफ डाइरेक्टर **युवराज भण्डारी ‘विद्रोही’**लाई जिम्मेवारी दिइएको छ।

महासंघका सल्लाहकारहरू योगेश उपाध्याय, प्रा. पुरुषोत्तम दाहाल र डा. बालकृष्ण चापागाईंले कार्यक्रमको अवधारणा, विषयवस्तु तथा व्यवस्थापनमा आवश्यक सल्लाह र सुझाव उपलब्ध गराउने निर्णय पनि बैठकले गरेको छ।

भोटेकोशीको विनाशकारी बाढीप्रति गहिरो दुःख

बैठकले भोटेकोशी क्षेत्रमा आएको विनाशकारी बाढीका कारण रसुवा, नुवाकोट, धादिङ, गोरखा, चितवनलगायतका क्षेत्रमा भएको ठूलो मानवीय तथा भौतिक क्षतिप्रति गहिरो दुःख व्यक्त गरेको छ।

महासंघले बाढीमा ज्यान गुमाउनेहरूप्रति भावपूर्ण श्रद्धाञ्जलि अर्पण गर्दै शोकसन्तप्त परिवारजनप्रति समवेदना व्यक्त गरेको छ। साथै घाइतेहरूको शीघ्र स्वास्थ्यलाभको कामना गरिएको छ।

FIJA ले ठूलो संख्यामा नागरिक प्रभावित भएको र विभिन्न क्षेत्रमा खोजी, उद्धार तथा राहतको काम जारी रहेको अवस्थामा सम्पर्कविहीन तथा उद्धारको प्रतीक्षामा रहेका व्यक्तिको खोजीलाई अझ तीव्र र प्रभावकारी बनाउन सरकार तथा सम्बन्धित निकायले उपलब्ध सम्पूर्ण स्रोत–साधन परिचालन गर्नुपर्ने जनाएको छ।

बैठकले आम नागरिकलाई पनि राष्ट्रिय संकटको यस्तो संवेदनशील घडीमा धैर्य, संयम, एकता र मानवीय संवेदनशीलता कायम राख्न आग्रह गरेको छ।

महासंघले नागरिक समाज, सञ्चारमाध्यम, संघसंस्था र सर्वसाधारणलाई सरकार तथा सुरक्षा संयन्त्रसँग समन्वय गर्दै उद्धार, राहत र पीडितको सहयोगमा हातेमालो गर्न अपिल गरेको छ।

सेना, प्रहरी र उद्धारकर्मीको भूमिकाको प्रशंसा

विपद्को कठिन परिस्थितिमा नेपाली सेना, नेपाल प्रहरी, सशस्त्र प्रहरी बल, स्वास्थ्यकर्मी, उद्धारकर्मी तथा विभिन्न सरकारी निकायले खेलेको भूमिकाको FIJA ले प्रशंसा गरेको छ।

बैठकले जोखिमपूर्ण परिस्थितिमा नागरिकको ज्यान बचाउन र खोजी तथा उद्धारमा खटिएका सुरक्षाकर्मी, स्वास्थ्यकर्मी र स्वयंसेवकहरूको योगदान महत्वपूर्ण रहेको उल्लेख गरेको छ।

सँगसँगै भविष्यमा यस्ता ठूला प्राकृतिक विपद्सँग जुध्न नेपालले आफ्नो विपद् प्रतिकार्य क्षमता उल्लेख्य रूपमा बढाउनुपर्ने आवश्यकता औँल्याइएको छ।

महासंघले उद्धार तथा विपद् व्यवस्थापनका लागि आवश्यक आधुनिक उपकरण, अत्याधुनिक प्रविधि, दक्ष जनशक्ति, तालिम तथा खोजी–उद्धारसम्बन्धी स्रोत–साधन थप सुदृढ बनाउन सरकारको ध्यानाकर्षण गराउने निर्णय गरेको छ।

जलवायु परिवर्तनलाई गम्भीरतापूर्वक लिन आग्रह

FIJA बैठकले विश्वव्यापी जलवायु परिवर्तनका कारण नेपालजस्ता हिमाली तथा भौगोलिक रूपमा संवेदनशील मुलुकहरू गम्भीर प्राकृतिक विपद्को बढ्दो जोखिममा परेको निष्कर्षसमेत निकालेको छ।

हिमनदी, हिमताल, पहिरो, अचानक आउने बाढी, अतिवृष्टि तथा अन्य चरम मौसमी घटनाहरूले नेपाललाई आगामी दिनमा थप चुनौती दिन सक्ने भएकाले जलवायु परिवर्तनको प्रभावलाई सामान्य विषयका रूपमा लिन नहुने महासंघको धारणा छ।

FIJA ले जलवायु परिवर्तनको असर, जोखिम न्यूनीकरण, अनुकूलन तथा विपद् जोखिम व्यवस्थापनका विषयमा नेपाल सरकार र अन्तर्राष्ट्रिय समुदायको ध्यानाकर्षण गराउन विशेष पहल गर्ने निर्णय गरेको छ।

यस विषयमा सञ्चारकर्मी र सञ्चारमाध्यममार्फत जनचेतना विस्तार गर्ने, बहस सिर्जना गर्ने र सम्बन्धित निकायलाई जिम्मेवार बनाउन पहल गर्ने निर्णयसमेत बैठकले गरेको छ।

प्रधानमन्त्री राहत कोषमा आर्थिक सहयोग

बैठकले मुलुक राष्ट्रिय संकटमा रहेको अवस्थामा बाढीपीडितको उद्धार, राहत तथा पुनर्स्थापनामा सहयोग पुर्‍याउनु सबैको दायित्व भएको उल्लेख गर्दै FIJA का तर्फबाट पनि आर्थिक सहयोग उपलब्ध गराउने निर्णय गरेको छ।

महासंघले बाढीपीडितहरूको राहत र पुनर्स्थापनाका लागि आवश्यक आर्थिक सहयोग प्रधानमन्त्री राहत कोषमा पठाउने निर्णय गरेको हो।

महासंघले प्राकृतिक विपद्का बेला राजनीतिक, सामाजिक तथा अन्य मतभेदभन्दा माथि उठेर पीडितहरूको उद्धार, राहत, उपचार र पुनर्स्थापनालाई राष्ट्रिय प्राथमिकता बनाउनुपर्नेमा समेत जोड दिएको छ।

को को थिए बैठकमा ?

भिडियो कल कन्फ्रेन्समार्फत सम्पन्न FIJA केन्द्रीय समितिको बैठकमा महासंघका अध्यक्ष रामप्रसाद खनाल, सल्लाहकार तथा वरिष्ठ पत्रकारहरू योगेश उपाध्याय, प्रा. पुरुषोत्तम दाहाल र डा. बालकृष्ण चापागाईं, उपाध्यक्षहरू टंक पन्त, केदार कोइराला र सतिश चापागाईं, महासचिव टंक दाहाल, बोर्ड अफ डाइरेक्टरहरू अनिल थापा र विश्वराज थापालगायत पदाधिकारी तथा सदस्यहरूको सहभागिता रहेको थियो।

बैठकपछि महासंघका अध्यक्ष रामप्रसाद खनाल र महासचिव टंक दाहालद्वारा जारी प्रेस विज्ञप्तिमा प्रेस स्वतन्त्रताको संरक्षण, सञ्चार क्षेत्रलाई राज्यको सहयोग, विपद् व्यवस्थापन क्षमताको विकास, बाढीपीडितको सहयोग तथा जलवायु परिवर्तनका जोखिमप्रति सरकार र अन्तर्राष्ट्रिय समुदायलाई थप जिम्मेवार बनाउन FIJA ले निरन्तर पहल गर्ने उल्लेख गरिएको छ।

 

प्रेस विज्ञप्ति

अन्तर्राष्ट्रिय पत्रकार महासंघ, अमेरिका ( Federation  of  International  Journalist , America – FIJA) वाशिङ्टन डी.सी., संयुक्त राज्य अमेरिकाका बैठकका नौ वटा निर्णयहरू:

वाशिङ्टन डी.सी., अमेरिका / २९ अगस्ट २०२६
अन्तर्राष्ट्रिय पत्रकार महासंघ, अमेरिका ( Federation  of  International  Journalist , America – FIJA) का केन्द्रीय अध्यक्ष रामप्रसाद खनालको अध्यक्षतामा बसेको केन्द्रीय समितिको बैठकले प्रेस स्वतन्त्रता, लोककल्याणकारी विज्ञापन, नेपालमा आएको विनाशकारी बाढी, विपद् व्यवस्थापन तथा जलवायु परिवर्तनका विषयमा गम्भीर छलफल गर्दै निम्न निर्णयहरू गरेको छ :

१. नेपाल सरकारले पत्रकारिता तथा सञ्चार क्षेत्रलाई कमजोर बनाउने गरी लोककल्याणकारी विज्ञापन कटौती गरेकोप्रति गम्भीर ध्यानाकर्षण भएको भन्दै उक्त निर्णय तत्काल फिर्ता लिन र लोककल्याणकारी विज्ञापन पूर्ववत रूपमा खुला गर्न सरकारसँग विशेष आग्रह गर्ने ।

२. देश ठूलो विपद् र राष्ट्रिय शोकको घडीमा रहेको समयमा सञ्चारमाध्यमलाई साथ लिएर अघि बढ्नुपर्नेमा उल्टै सञ्चारमाध्यमलाई कमजोर बनाउने नीति संविधान, लोकतान्त्रिक संस्कृति र प्रेस स्वतन्त्रताको मर्मविपरीत रहेको निष्कर्ष बैठकले निकालेको छ। सरकार प्रेसप्रति कठोर नभई सहयोगी र प्रेसमैत्री बन्नुपर्नेमा जोड दिने ।

३. प्रेस स्वतन्त्रताको सम्मान गर्न र लोककल्याणकारी विज्ञापनलाई खुम्च्याउने नीति फिर्ता लिन आग्रह गर्दै प्रधानमन्त्री बालेन्द्र साह र सञ्चारमन्त्री डा. विक्रम तिमिल्सिनालाई महासंघका तर्फबाट औपचारिक रुपमा ज्ञापनपत्र बुझाउने । नेपालमा उपलब्ध पदाधिकारी सदस्यहरु र नेपाल शाखा समेत त्यसमा सहभागी बन्ने।  उक्त कार्यको संयोजन उपाध्यक्ष टंक पन्तले गर्ने।

४. मिडिया जति बलियो हुन्छ लोकतन्त्र, संविधानवाद, सुशासन, शान्ति र विकास त्यति नै मजबुत हुने निष्कर्षसहित प्रेस स्वतन्त्रता र सञ्चार क्षेत्रका सवालमा दबाब सिर्जना गर्न FIJA केन्द्रीय समिति र नेपाल शाखाको आयोजनामा यथाशीघ्र विशेष अन्तरक्रिया कार्यक्रम आयोजना गर्ने निर्णय गरिएको छ। यसको संयोजन/ब्यबस्थापन यथाशीघ्र उपाध्यक्षहरु टंक पन्त, केदार कोइराला, जीबराम भण्डारी, नेपाल शाखा अध्यक्ष कृष्णा पौडेल र बोर्ड अफ डिरेक्टर युबराज भण्डारी बिद्रोहीले गर्ने । सल्लाहकारहरु योगेश उपाध्याय, प्रा पुरुषोत्तम दाहाल, डा बालकृष्ण चापागाइले वहाँहरुलाई आबस्यक सल्लाह सुझाब सहित सहयोग गर्ने ।

५. भोटेकोशीमा आएको विनाशकारी बाढीका कारण रसुवा, नुवाकोट, धादिङ, गोरखा, चितवनलगायतका क्षेत्रमा भएको ठूलो जनधनको क्षतिप्रति गहिरो दुःख व्यक्त गर्दै ज्यान गुमाउनेप्रति श्रद्धाञ्जलि, शोकसन्तप्त परिवारप्रति समवेदना र घाइतेहरूको शीघ्र स्वास्थ्यलाभको कामना गर्ने ।

६. सम्पर्कविहीन तथा उद्धारको प्रतीक्षामा रहेकाहरूको खोजी र उद्धारलाई अझ प्रभावकारी बनाउन सरकार तथा सम्बन्धित निकायले सम्पूर्ण स्रोत–साधन परिचालन गर्नुपर्ने र आम नागरिकलाई यस राष्ट्रिय संकटको घडीमा धैर्य, संयम, एकता र मानवीय संवेदनशीलता कायम राख्न आग्रह गर्ने, सबैले यस कार्यमा सरकार, सुरक्षा संयन्त्रलाई साथ् र सहयोग गर्न अपिल गर्ने ।

७. संकटको घडीमा नेपाली सेना, नेपाल प्रहरी, सशस्त्र प्रहरी बल, स्वास्थ्यकर्मी, उद्धारकर्मी तथा राज्यका निकायहरूले खेलेको भूमिकाको प्रशंसा गर्दै भविष्यका विपद्सँग जुध्न आवश्यक आधुनिक उपकरण, प्रविधि, जनशक्ति र उद्धारसम्बन्धी स्रोत–साधन थप मजबुत बनाउन सरकारको ध्यानाकर्षण गराउने ।

८. विश्वव्यापी जलवायु परिवर्तनका कारण नेपालजस्ता हिमाली तथा भौगोलिक रूपमा संवेदनशील मुलुकहरू महाविपद्को बढ्दो जोखिममा परेको निष्कर्ष निकाल्दै जलवायु परिवर्तनको असर, न्यूनीकरण, अनुकूलन र विपद् जोखिम व्यवस्थापनका विषयमा नेपाल सरकार तथा अन्तर्राष्ट्रिय समुदायको ध्यानाकर्षण गराउन FIJA का तर्फबाट विशेष पहल गर्ने, संचारकर्मी र संचार माध्यम मार्फत ध्यानाकर्षण गर्ने ।

९. देश राष्ट्रिय संकटमा रहेको वर्तमान अवस्थामा बाढीपीडितहरूको राहत तथा पुनर्स्थापनामा सहयोग पुर्‍याउन महासंघका तर्फबाट आवश्यक आर्थिक सहयोग प्रधानमन्त्री राहत कोषमा पठाउने ।

भिडियो कल कन्फ्रेन्स मार्पाहत गरिएको बैठकमा महासंघका अध्यक्ष रामप्रसाद खनाल, सल्लाहकारहरु तथा वरिष्ठ पत्रकारहरू योगेश उपाध्याय, प्रा पुरुषोत्तम दाहाल, डा. बालकृष्ण चापागाईं, उपाध्यक्षहरू टंक पन्त, केदार कोइराला, सतिश चापागाई, महासचिव टंक दाहाल, बोर्ड अफ डिरेक्टरहरु अनिल थापा, विश्वराज थापा लगायतको उपस्थिति रहेको थियो। धन्यबाद ।

रामप्रसाद खनाल,  अध्यक्ष
टंक दाहाल, महासचिव

अन्तर्राष्ट्रिय पत्रकार महासंघ, अमेरिका ( Federation  of  International  Journalist , America – FIJA)
वाशिङ्टन डी.सी., संयुक्त राज्य अमेरिका

PRESS RELEASE

Nine Decisions of the Central Committee Meeting of the Federation of International Journalists, America (FIJA)

Washington, D.C., USA | August 29, 2026

The Central Committee of the Federation of International Journalists, America (FIJA), chaired by its Central President Ram Prasad Khanal, held an extensive discussion on press freedom, public welfare advertising, the devastating floods in Nepal, disaster management, and climate change, and adopted the following nine decisions:

1. The meeting expressed serious concern over the Government of Nepal’s decision to cut public welfare advertising, a move that could further weaken the journalism and media sector. The meeting decided to strongly urge the government to immediately withdraw the decision and restore public welfare advertising to its previous level and framework.

2. The meeting concluded that, at a time when the country is facing a major disaster and a period of national mourning, the government should move forward in partnership with the media rather than adopt policies that weaken the media sector. Such policies are contrary to the spirit of the Constitution, democratic culture, and press freedom. The meeting decided to emphasize that the government should not take a harsh approach toward the press, but instead remain supportive and media-friendly.

3. The meeting decided to formally submit a memorandum on behalf of FIJA to Prime Minister Balendra Shah and Minister for Communications Dr. Bikram Timilsina, urging the government to respect press freedom and withdraw policies that restrict public welfare advertising. FIJA office bearers and members currently available in Nepal, together with the FIJA Nepal Chapter, will participate in the delegation. Vice President Tank Pant will coordinate the initiative.

4. Recognizing that stronger and more independent media contribute directly to stronger democracy, constitutionalism, good governance, peace, and development, the meeting decided to organize a special interaction program at the earliest possible date, jointly by the FIJA Central Committee and the FIJA Nepal Chapter, to raise awareness and build constructive pressure on issues relating to press freedom and the media sector.

The coordination and management of the program will be carried out by Vice Presidents Tank Pant, Kedar Koirala and Jibaram Bhandari; Nepal Chapter President Krishna Paudel; and Board Director Yubaraj Bhandari “Bidrohi.” FIJA advisers Yogesh Upadhyay, Prof. Purushottam Dahal and Dr. Bal Krishna Chapagain will provide them with necessary advice, guidance, and support.

5. The meeting expressed deep sorrow over the massive loss of life and property caused by the devastating flooding of the Bhotekoshi River, which has severely affected Rasuwa, Nuwakot, Dhading, Gorkha, Chitwan, and other areas. The meeting decided to pay heartfelt tribute to those who lost their lives, extend sincere condolences to the bereaved families, and wish a speedy recovery to all those injured.

6. The meeting decided to urge the Government of Nepal and all concerned agencies to mobilize every possible resource to make the search and rescue of missing persons and those awaiting rescue more effective. It also appealed to the general public to maintain patience, restraint, unity, and humanitarian sensitivity during this national crisis. The meeting further called on everyone to support and cooperate with the government, security agencies, and rescue teams in their ongoing efforts.

7. The meeting commended the roles played by the Nepal Army, Nepal Police, Armed Police Force, health workers, rescue personnel, and other government agencies during this time of crisis. It also decided to draw the government’s attention to the urgent need to strengthen modern equipment, technology, trained manpower, and other rescue and disaster-response resources in order to better prepare for future disasters.

8. The meeting concluded that mountainous and geographically vulnerable countries such as Nepal are facing an increasing risk of catastrophic disasters due to the effects of global climate change. FIJA therefore decided to undertake special initiatives to draw the attention of the Government of Nepal and the international community to the impacts of climate change, mitigation, adaptation, and disaster-risk management. FIJA will also mobilize journalists and media outlets to raise public and international awareness of these critical issues.

9. Recognizing that Nepal is currently facing a national crisis, the meeting decided that the Federation will provide financial assistance to the Prime Minister’s Relief Fund to support the relief, recovery, and rehabilitation of flood victims.

The meeting was conducted via video conference and was attended by FIJA President Ram Prasad Khanal; advisers and senior journalists Yogesh Upadhyay, Prof. Purushottam Dahal and Dr. Bal Krishna Chapagain; Vice Presidents Tank Pant, Kedar Koirala and Satish Chapagain; General Secretary Tank Dahal; Board Directors Anil Thapa and Bishwaraj Thapa, among others.

Thank you.

Ram Prasad Khanal
President

Tank Dahal